ვიშოვოთ სამსახური თუ გავყიდოთ სამუშაო ძალა ?

მაშ ასე, თუ უკვე გადაწყვიტეთ, რომ ხართ სამუშაოს მაძიებელი და ნათლად გაქვთ წარმოდგენილი, რა და რატომ გინდათ რომ აკეთოთ, ახალი საფიქრალი გაქვთ:

როგორ მოიძიოთ ისეთი სამსახური, სადაც ეფექტიანი იქნებით დამსაქმებლისთვის და ბოლომდე შეძლებთ თქვენი შესაძლებლობების რეალიზებას.

სამუშაოს მაძიებლების მხრიდან ბაზარზე ფიგურირებს ძირითადად ორი დამოკიდებულება:

ერთნი ცდილობენ იშოვონ სამსახური და მეორენი ცდილობენ გაყიდონ საკუთარი სამუშაო ძალა;

გთავაზობთ ამ ორი დამოკიდებულების მქონე სამუშაოს მაძიებლების ქცევებში 7 ძირითად განსხვავებას:

როგორ იქცევა სამუშაოს მაძიებელი რომელიც ცდილობს „იშოვოს კარგი სამსახური“:

1. CV - ის გაგზავნა აქვს ავტომატურ რეჟიმზე დაყენებული, აგზავნის ყოველთვის, ყველგან, ყველა პოზიციაზე, მიუხედავად მისი კომპეტენციები შეესაბამება თუ არა სამუშაოს მოთხოვნებს;

2. აგზავნის CV - ს დამსაქმებელთან, რომელიც ოდესღაც დაამზადა;

3. არ ახსოვს რა პოზიციაზე გააგზავნა CV და პირველადი კომუნიკაციისას თხოვს პოზიციის დაზუსტებას გამსაუბრებელს;

4. ცდილობს გამოძებნოს გავლენიანი რეკომენდატორები, რეკომენდატორად უთითებს გავლენიან ადამიანებს, რომელთანც საერთოდ არ ქონიათ სამუშაო გამოცდილება;

5. ცდილობს გამოძებნოს, რაც შეიძლება მეტი ნაცნობი იმ კომპანიაში, სადაც ვაკანსია და ყველას თხოვს შუამდგომლობას;

6. მიდის მოუმზადებელი გასაუბრებაზე, არ აქვს ინფორმაცია კომპანიის საქმიანობის და პოზიციის შესახებ;

7. გასაუბრებისას ცდილობს დაარწმუნოს გამსაუბრებელი, რომ შეუძლია ყველაფრის 5-იანზე გაკეთება;

როგორ იქცევა სამუშაოს მაძიებელი, რომელიც ცდილობს გაყიდოს თავისი სამუშაო ძალა?

1. სამუშაოს ძიებისას კარგად სწავლობს ვაკანსიის მოთხოვნებს და მხოლოდ იმ შემთხვევაში აგზავნის CV - ს თუ მისი კომპეტენციები სრულად შეესაბამება ვაკანსიის მოთხოვნებს;

2. გაგზავნამდე აუცილებლად გადახედავს თავის CV - ს და აკოფინგურირებს სამუშაო მოთხოვნებიდან გამომდინარე;

3. აქვს მოლოდინი კომპანიიდან გამოხმაურების, არის ადვილად ხელმისაწვდომი მასთან დაკავშირება და პირველადი სატელეფონო კომუნიკაციისას მხოლოდ შეხვედრის დროსთან და ადგილთან დაკავშირებით სვავს დამაზუსტებელ კითხვებს;

4. რეკომენდატორად უთითებს მხოლოდ იმ ადამიანებს, რომლებთანაც აკავშირებს ან აკავშირებდა საქმიანი ურთიერთობა;

5. ცდილობს გამოძებნოს ვაკანსიის გამომცხადებელ კომპანიაში ერთი კონტაქტი, რომელსაც უმტკიცებს თუ რატომ იქნება შესაბამისი კანდიდატი ამ პოზიციისთვის და თხოვს შუამდგომლობას;

6. მიდის მომზადებული გასაუბრებაზე, შესწავლილი აქვს კომპანიის საქმიანობა და პოზიციის დანიშნულება, იძიებს რაც შეიძლება მეტ ინფორმაციას დამსაქმებლის შესახებ;

7. სწორ მოლოდინებს უქმნის დამსაქმებელს, წინასწარ ეუბნება რის გაკეთებას შეძლებს და რა აღემატება მის ძალებს;

რა შედეგებით სრულდება ორი კატეგორიის სამუშაოს მაძიებლის მცდელობა:

დასკვნა:

გაყიდეთ საკუთარი სამუშაო ძალა !